يا ريت كلنا نشارك رأينا بجد في الموضوع ده

ياريت يا جماعه كل اعضاء المنتدي يشارك

في السؤال ده وكلنا نجاوب عليه بصراحه

والي مش عارف بردو يقول

وهنغششه

يا ريت نكون اجابين بجد ونقول بكل صراحه

بجد اكيد كلنا هنستفاد من الردود دي

السؤال هو

انت اتعلمت ايه من الكشافه ؟

منتظر ردودكم

انا هابتدى بنفسي ف الاول و هجاوب ع السؤال
الكشافه علمتنى حاجات كتيرة ف حياتى و خليتنى انسان
متميز ف المجتمع اللى باعيش فيه و ده ظهر لى اوى
خصوصا لما دخلت الكليه
علمتنى الالتزام ف حاجات كتير قوي
واهمها المواعيد
وعلمتني الامانه
وتحمل المسؤليه اوي
و علمتنى بجد حاجات كتير يمكن مش هاعرف اقولها كلها
واهم صفه بقي الي بشكر ربنا عليها
هي ازاي اعتمد علي نفسي بجد
واخرج من كل مشكله بسهوله
وبشكر ربنا اوي انه ارشدني الي كشافه كنستي
ال هي
مجموعه القس عبد المسيح المفاري الكشفيه بجرجا
علشان اتعلم الحاجات الحلوه دي
والصفات الاحلي دي
بالرغم من يمكن الامكانيات عندنا قليله
لكن بجد عمرنا ما حسينا اننا قليلين عن
بقيه الفرق ودا بفضل الكابتين الجامدين اوي الي عندنا
وعلي راسهم القائد/ روماني عبد المسيح
ربنا يبارك خدمتهم كلهم
ومنتظر بقيه الردود

طيب انا اقول اية
انت اخدت كل الكلام الحلو وقولته يا مينا
بس اكيد لازم الكلام دا يتكرر
لان الكشافة بتعلم الحاجات دى لكل اللى فيها
هو انا اي نعم لسة داخلاها قريب
بس ماقدرش انكر ان فى الفترة دى
اتعلمت حاجات كتير
وكل الحاجات الحلوة لقيتها فيها
اهم حاجة لقيتها
الروح الحلوة اللى ما بينا
كلنا بنحب بعض
وكلنا بنخاف على بعض
وكلنا ايد واحدة
وعلمتنى كمان
ازاى افكر وابتكر حاجات
وانى اعمل حاجة كبيرة
من حاجة صغيرة
حاجة ليها قيمة
من حاجات ملهاش قيمة
وعلمتنى انى ممكن اعمل حاجات كتير اوى بايدى
احلى واجمل وارخص
من اى حاجة جاهزة
وطبعا دا استفادته كبيرة جدا
انا مش عارفة اقول اية ولا اية
انا لو قعدت اتكلم عنها للصبح برضو مش هاقول كل اللى جوايا ليها
بجد الكشافة دى احسن نشاط دخلته فى حياتى
طبعا زى ما انت قولت يا مينا
كل دا بفضل كل الكباتن والقادة الكبار اللى فيها
اللى بيعلمونا الحاجات دى
واللى اولهم العريس
الكوتش طبعا
ربنا يخليهم لينا كلهم
ويحافظ عليهم
ويباركلنا فى خدمتهم
وفى الكشافة كلها
وانا مبسوطة جداااااااااا انى فى الكشافة

وادي اول رد ايجابي جدا من شفتان اكسو
بجد بجد رد هايل
وبجد كلنا مبسوطين اني احنا في الكشافه
ربنا يبارك خدمنك يا شفاتان
يلا بقي فين بقيه الاعضاء
عاوز اشوف ردودكم

مش عارف والله يا كابتن مينا اقول اية
بس بجد انا مهما هتكلم مش هعرف اجيب
كل الحاجات الحلوة اللى اتعلمتها من الكشافة
بس اقدر اقولك يا كابتن زى ما قالت الشفتان اكسو
الكشافة دى من احسن النشاطات اللى انا شاركت فيها
وطبعا احلى حاجة اتعلمتها من الكشافة روح التعاون
واحنا بنشتغل بنحس ببعض اوى
وبنبقى كاننا اسرة واحدة وانا بين المجموعة بحس
انى بين اسرتى التانية وطبعا زى ما قولت يا
كابتن مينا احلى حاجة انها علمتنى
ازاى اعتمد على نفسى
وطبعا كل دة بفضل القادة الجامدين اوى
اللى مش بيبخلوا علينا بحاجة
ربنا يخليهم لينا ويبارك فى الخدمة
ورايى طبعا يا كابتن مينا سؤال جامد خلانا كلنا نفكر
فى الحاجات اللى اتعلمناها من الكشافة
ونشكر الله

مرسي جدا علي ردك يا كابتين

وبردو منتظر بيقيه الردود من الاعضاء

ونشكر تعبكم

انا هتكلم اقول ايه طيب
هاقول الكشافه علمتني الرجوله
ولا علمتني الاعتماد علي النفس
ولا علمتني اعمل احلي الكادجات
ولا علمتني ازاي ابني شخصيتي
ولا علمتني اكون الاول
ولو كنت التاني مزعلش
ولا علمتني التعاون
ولا المحبه
ولا علمتني الخدمه
انا اشك لو حد عرف
يجاوب علي السوال ده
لانه مش هيقدر يقول اد ايه الكشافه اديتله
السوال المهم بقي
انت اديت ايه للكشافه
؟؟؟

محدش يقدر ينكر فضل الكشافة عليه
مع انى دخلت الكشافة السنة دى الا انى كنت دائما حاسس ان كل اللى فى الكشافة اخوانى واخواتى
لان الكشافة بتنمى المحبة
والمحبة هى اعظم الفضائل
فبالمحبة نتعاون و نسامح ونتشارك الافراح والاحزان
ونخدم بعضنا بعضا بسرور
وهي دى اكثر شيء اثر فيا خصوصا
لان لو انت مبتحبش حد مش هترضى تساعدة
لكن بالمحبة كل شىء ممكن
واكتر شىء بالاحظه هو ان معظم اللى فى الكشافة دائما سعداء
لان المحبى تغنى عن كل شىء

ميرسي جدا علي ردك يا كابتين ابانوب
وميرسي جدا علي ردك يا كابتين ماركو
ردكم جميل اوي
بس انت حرقت السؤال الي جاي يا كابتين ابانوب
انت اديت ايه للكشافه ؟
انا علي نفسي اعتقد اني ادتلها وقت كبير من حياتي
وجانب كبير علشان استفاد منها اكبر استفاده
ادتلها جهدي لانها بجد تستحق اي حاجه اعملها علشان الكشافه
بس انا مضايق هو سؤالي الاولاني صعب للدرجه
فين بقيه رد الاعضاء
ربنا يعوضكم يا جماعه
& معـــــــــــا.......نحو حياه افضل &

ميرسى يا كابتن مينا على السؤال الجميل وكما قال الكابتن يهوذا الكشافة تجرى فى عروقنا اى انها اصبحت جزء منا تغيرنا ونغيرها دائما للافضل

مرسي جدا علي رادك يا شفتان
وفعلا الكشافه بقت جزء مننا
ربنا يعوض تعب محبتك للكشافه
&*معـــــــا.....نحو حياه افضل*&

» رسالة من الله ياريت كلنا نقراها
» هديه ممكن كلنا نقدمها لطفل المزود
» الموضوع: لا...لا......لا...........؟
» ارجوك لا تقرأ هذا الموضوع ................
» رساله من شوشو اليك طبعا كلنا عارفين شوشو