زى ما احنا عارفين ان مارجرجس سريع الندهة تحكى اختنا وتقول.........
في صيف سنه 1994 سافرت مع اسرتي
انا وامي واختي
واختي الاخري وزوجها
روحنا الساحل الشمالي اسبوع
نزلت انا واختي وزوجها الي البحر
ثم خرج زوجها
وفضلت انا واختي في البحر
بعد فتره قصيره روحنا للجهه التانيه بعرض البحر
عشان نخرج بعيد عن الزحمه
وفجاه لقيناه نفسنا
وسط دوامه شديده جامده جدا
ومكناش شاعرين بالارض تحتنا
وكانت المياه تلف حواليناه وتغطي رؤوسنا
حاولنا مساعده بعضنا
بس ما قدرناش
مسكنا في ايد بعض
علشان نقدر نشد بعض
وفضلنا نصرخ
عشان اي حد من علي الشط
يسمعنا بس بدون فايده
حتي لما زوج اختي شافنا
اعتقد اننا بنلعب في المياه
فا مهتمش
حاولنا تاني وفضلنا نصرخ
بلا فائده
فصرخت بالعلي صوتي انا واختي
" يا ما رجرجس
انقذنا وخرجنا من المياه
يا سريع الندهه
تعالي انجدنا "
في اللحظه دي بالذات
بدءت امي واختي علي الشط
يلاحظوا اننا بنغرق
فاستغاثوا بكل من علي الشط
علشان ينقذونا
وفضلت امي
تصرخ بصوت عالي
تنادي مار جرجس
حاول جوز اختي
يشدنا ما قدرش
جه اتنين من الغواصين
علشان يخرجونا من الدوامه
ما قدروش
علشان كانت شديده جدا
بداءت قوتي انا واختي تنهار
وما بقيناش قادرين نقاوم الغرق
ولا الدوامه
والمياه غطت وجوهنا
وشربنا مياه كتير جدا
بعد كل مره كنا نغطس فيها
في لحظه خروج رؤوسنا
كنا بنصرخ مع بعض
" انقذنا يا مار جرجس
وفجاه
لقيناه ايد بتدفعنا
خارج الدوامه
بقوه
خرجت اختي الاول من الدوامه
وانا خرجت بعدها
وما كناش عارفين مين
الي دفعنا خارج الدوامه وخرجنا
عومنا انا واختي لغايه الشط
والكل غير مصدق
اننا نجونا
عرفنا بعد كده
ان المنطقه دي محظوره
عشان فيها دوامات كتيره
خطر جدا
وكتير غرقوا فيها
ومحدش قدر ينقذهم
فشكرا ليد مار جرجس
الي دفعتنا للخارج
بره الدوامه
بعد ما فشل الكل في انقاذنا
موضوع: ياســــــــريــــــع الـــــنـــــــدهــــــــه احــــنــــــا بنــــــغــــــرق 
