تامل جميل اووى اسمة ( * مش لاقى يسوع *)

مش لاقى يسوع


عايز ابكى وعينى تقولى دة مفيش دموع


عايز ابكى وقلبى من الحزن موجوع


عايز ابكى واصرخ بس الصوت مش مسموع


مش عارف لية دة حالى وعشان اية انا كدة مالى


بخبى على نفسى وادارى ان السبب مش لاقى يسوع



ساعات كتير ومن غير تفكير بانسى الرجوع


وبدون تغير وقلبى مرير جوة الضلوع


كانى ضرير ولعمق البير انا مدفوع


مش عارف لية دة حالى وعشان اية انا كدة مالى


بخبى على نفسى وادارى ان السبب مش لاقى يسوع


مش لاقى يسوع فى حياتى ولا وسط الجموع


مع انى معاة يوماتى واروحلة فى وقت الجوع


شكلى انا كدة فى حياتى عمرى ما عرفت يسوع


وعرفت السبب فى بكايا اللى من غير دموع